Во четвртокот (01.11) откако бевме известени дека малото езерце во парк ќе се празни и чисти, се собравме набрзинка и отидовме да ја спасиме преостанатата риба од езерцето.
Успеавме да извадиме поголем дел од рибата, бојници, кленови, попадики, кострежи и по некое крапче и карашче, ги натоваривме и иако Вардар ни беше на 200 метри, отидовме да ги пуштиме на Лепенец, сепак им должевме на риболовците од Лепенец едно порибување.
Пуштивме отприлика 80 кг риба, имаше и големи примероци и подмладок.
Благодарност до Драган и екипата од Lepenecki ribarski muabeti за помошта при истоварот на рибата и секако до членовите на Рибар 2011 кои се собраа за многу кратко време и помогнаа да се спаси поголемиот дел од рибата во езерцето.

Седејќи дома, а ме јаде црвот за риболов ама за пусто нигде нема консеции. Викам пак ке треба да се иде надвор од државата поради не азурност на институциите и немање консеција на повеќето води кај нас. Ми доаѓа една идеја да се направи една дружба на езеро Паљурци. Набрзина се договорив со Митко да ја пренесе идејата во неговото здружение. Наидовме на позитивно мислење кај двете здруженија и решивме да направиме една заедничка дружба Рибар 2011 и Костреш.
Полека почнавме со подготовки и јас отидов до кај нив на една вечер да го опипам теренот колку екипи би не собрало и да утанчиме детали. Заедно гледајки го теренот со Џони, Митко и Духот констатиравме дека езерото е подготвено на не повеке од 18 позиции. Го договоривме и останатиот дел и јас ја преземав обврската да ја објавам дружбата и бидам у контакт со екипите, а они теренски да го бележат и средат теренот.
На самото пријавување се пријавија повеке од 25 екипи од кој искочивме во пресрет на 24 екипи од причина дека ова беше дружба. Да беше вистински напревар ќе немаше повеке од 16 екипи, ама затоа напоменувам бидејки ова е дружба затоа се реши да се оди со 24 екипи. Боксовите беа долги 8 метра и одалечени 20 метра. Се извинувам уште еднаш ако некој боксови малце се вкрстуваа, се обидовме да делуваме колку што можевме да бидат добри за сите. Доколку некој има критики слободно нека пише. Само уште еднаш ќе напоменам дека ова беше дружба и дека веселењето и риболовот не идат баш заедно.

Така да дојде и денот 26-28.10.2018 се собравме сите си извлековме позиции некоја добра, некоја лоша, имаше и фаворитски па така дружбата започна како и што ја посакуваме.

Со шетање од бокс до бокс, со убави луге и уште поубави муабети едино што мене ми фалеше беше малце поголема активност на рибата барем за овие три дена , тек се активира во неделата кога дувна северот, може си има удел и самата галама на обала и од ракетите, секој си кроеше своја тактика како ке работи. Сакам да напоменам дека иако ми е една од омилените дициплини за крап ловењето зиг риг, јас лично не пробав ама имаше екипи кој пробаа иако крај на октомври нека им е алал. Јас слушав муабети каде сега зиг, па ова е дива вода и јас не се согласувам ама за ваков риболов и на ваква вода треба да имаш муда да го испробаш. Можеби со повеке дружби и ќе докаже некој дека и на ова езеро таа тактика работи.

За крај ќе оставам сликите да кажат сами за себе и уште еднаш ке се заблагодарам на сите присутни на дружбата, на моето здружение Рибар 2011 и довербата што ми ја пружија истата да ја потегнам и организираме , на колегите околу организацијата кој не можам без нив, и на домакините кои пружија и повеке од максимумот Костреш Богданци.
Благодарам до Акваспорт и Рибоцентар за симболичните награди и до гостилница Foodservice за прекрасните сендвичи.
Освоени места
1 Виница елит 10,390
2 4-ри крапџии мк 9,5
3 Миа екофиш 9,530
По боксови вака беше уловот
1. без улов
2 . 2,475
3 . 6,085
4. 3,440
5. без улов
6. 1,080
7. без улов
8, без улов
9. 4,200
10. 9,595
11 . без улов
12. 3,450
13. без улов
14. 9,250
15. 7,240
16. 10,390
17. 1,170
18. 1,310
19. без улов
20, 3,135
21. без улов
22. 9,530
23. без улов
24. 4,790
Вкупно 115 кг и најголема риба 4,605

Во саботата (пред забрана) бевме со Давор до Треска да се излуфитраме. Стигнавме рано сабајле, реката беше мала и како и секогаш бистра, активноста не беше којзнае колкава, се на се извадивме 7-8 пастрмчиња (сите беа вратени назад). Ловевме на потегот од брана до Мечкина дупка, најчесто ударите беа на блинкер (сребрен со црвени точки), а од воблери јадеше на ујки, робинсон и рапала (скоро сите зеленкасти шари). Како и да е, помина уште една сезона на Треска, да се надеваме дека реката ќе биде чувана од концесионерот и од нас рибарие (совесните) и ќе биде уште поатрактивна после мрестот. За крај некоја фотка.
Бистро

Почитувани колеги,

Ве известуваме дека од денес на сила е забрана за риболов на пастрмка на Вардар 3 - Скопски. Забраната ќе трае до 31.01.2019 година.
На реката Треска има целосна забрана поради мрест на пастрмката, контролите ќе бидат зачестени, со присуство на државен инспектор, а сите кои ќе бидат затекнати како ловат, ќе добијат пријава/казна.
За мрежари и риболовци со недозволени средства за време на мрест законот предвидува и кривични пријави.
На Вардар и Лепенец риболовот е дозволен за сите видови риби, освен за пастрмка. Чуварите во текот на овие месеци ќе ги проверуваат и чуварките на риболовците, па затоа веднаш пуштајте ги случајно уловените пастрмки назад во вода.
Бистро и чесно на вода!

Погледнете го видеото со улов на две големи мрени (над 2 кг) на Вардар во Скопје . Мајсторот Џелал самоиницијативно ги врати двете мрени во вода, во присуство на членови-активисти на РИБАР 2011. За убавиот гест, тој ќе добие гратис годишна дозвола за 2019 година за Вардар, Лепенец и Треска.

Во прилог е голема галерија од дел од досегашните контроли на Вардар, Треска и Лепенец.

Бистро и чесно на вода!

Викендов Емил од Струга дојде во Скопје за да го запознаеме со пастрмките од Треска, во делот кој е под концесија на РИБАР 2011. На реката имаше десетици риболовци, активноста на рибата беше слаба, но сепак се извадија неколку убави парчиња на пастрмки кои после фотосесијата беа веднаш вратени назад.

Бистро

Во петокот на 14.09.2018 беше извршено порибување на Вардар во Скопје со крап од страна на РИБАР 2011.
Се пуштија над 1000 парчиња во просек од 150-500 грама.
Следи порибување со пастрмка на Вардар, Треска и Кадина, а потоа нешто интересно и на Лепенец.

Бистро!

Во прилог може да го преземете Јавниот повик за доделување на концесија на рибите за организирање на рекреативен риболов на риболовни ревири и рекреативни зони.

Министерството за земјоделство шумарство и водостопанство почна со порибување на риболовните води во земјава, кои во моментов немаат концесионер. 

Обезбедените количини се наменети за порибување со пастрмка на Акумулацијата “Глобочица“, риболовните ревири “Црн Дрим 2“, “Охридски слив“, “Треска 1 – Кичевски регион“ и “Црна река 1 – Демирхисарски регион“. А со крап ќе бидат порибени Акумулациите “Глобочица“ и “Ратево“.

Инаку, постапката за доделување на концесија на рибите за организирање на рекреативен риболов на овие риболовни води е во тек и се очекува да биде финализирана до крајот на месец септември. Со доделувањето на рибите на концесија за организирање рекреативен риболов, обврската за порибување како и физичката заштита на рибите во риболовните води ќе бидат обврска на идниот концесионер.
Покрај риболовните води без концесионер, МЗШВ во годинешната Програма за финансиска поддршка, има предвидено мерки и обезбедено средства за порибување на риболовните подрачја Охридско, Преспанско и Дојранско Езеро, како и за риболовната зона Акумулација Шпилје. За сите овие се издвоени 7.7 милиони денари. Во таа насока, утре покрај во водите без концесионер, ќе се изврши порибувањето и на акумулацијата Шпиље со подмладок од пастрмка, како обврска на МЗШВ за порибување на риболовните зони.