Писата е одлична риба за ловење на лесна спрема... Доста е борбена и како што кажа Ице, најчесто удираат по 2-3 наеднаш па борбата и ќеифот е поголем... Најдобро е да се лови на конец со дијаметар од 0.12, јадички со големина 12 или 14 (има доста мала уста) и тапа (доколку се лови на тапа) не потешка од 2.5 грама, најчесто поради длабочината (ако се лови од чамец) подвижна... Се лови од Мај па до Октомври обилно, а и во другите периоди ја има ама е помалку активна... Сака места со ниска тревна вегетација, а сум ја ловел на длабочини од 2 па до 10 метри... Околу мамецот, успешно се лови на црн црв, на пијавица, на пченица, на пченка (шеќерец), на јачмен... Јатна риба е,а кога ќе влезе во хранилиштето тогаш со соодветна прихрана тешко излегува од него. За прихрана користам основа од леб (сув, натопен па исцеден) и пченкарно брашно, прашкаста за црвеноперка и варена пченица (користам строго пченица со лушпа, никако од оваа белата без лушпа). Се формираат топки со големина на портокал и во почетокот се фрлаат 5-7, а откако ќе ги имаме првите удари, на половина час по две топки... Заборавив да напомнам дека пред фрлањето на оваа прихрана, фрлам еден килограм варена пченица (без никакви ароми) и ако сум бил попладнето а планирам да одам на истото место (ако се покажи добро нели...) и рано изутрина, тогаш истурам уште еден килограм на хранилиштето и истото се разбира го обележувам со маркер... Најчесто се ловат парчиња од 50 до 200 грама, активна е во текот на целиот ден. Јас ја ловам строго од чамец иако може да се лови и од брег ако тоа го дозволува теренот и ја има потребната длабочина (како што напишав во темата Преспанско езеро). Месото и е вкусно но има доста коски па затоа добро е покрупните парчиња малку да се засечат од двете страни и да се препржат за да немаме проблем со требење на ситни коски. Одлично мезе за камен ладен шприцер и грч ладно пиво.
Бистро
Регистрирај се
Најави се
ЧПП
Членови
, а ни јас незнам зошто сум ги сликал 
