Рибарско трио трага по крапот Трајан
Нашите најдобри рибарки Пепи, Здравче и Лиде во 1996 година го освоија второто место во Купот на Македонија, а во 1998 година на Државното првенство во Македонија во екипна конкуренција се пласираа во самиот врв
Еден ден во неделата нашите најдобри рибарки Петруна Гелева, Здравкица Чкатровска и Лидија Михаилова заминуваат на риболов на приватното езеро за спортски риболов Аквариум, што се наоѓа во атарот на скопското село Идризово и го посветуваат на својата најголема пасија - рибарењето или, како што тие милуваат да кажат, на гледањето во тапата.
- Кога рибариме, целата нервоза исчезнува. Се отпуштаме, уживаме во природата и само гледаме дали тапата ќе заигра. А кога тоа ќе се случи, следува вистинското уживање - вадењето на рибата - велат тие, додавајќи дека нема река или езеро на кои не рибареле.
- Почнуваме напролет на Тиквешко, а бидејќи знаеме каде рибата "гризе", одиме на места што ни се познати: Уланци на реката Вардар, на Дебарско, на Мавровско Езеро, а од неодамна и на езерото Козјак - раскажуваат трите рибарки, кои токму "на риба: се запознале.
Пепи, Здравче и Лиде веќе 17-тина години се страсни рибарки што, освен рекреативно, во изминатите осум години и се натпреваруваат во рибарење. Во 1996 година го освоија второто место во Купот на Македонија, а во 1998 година на Државното првенство во Македонија во екипна конкуренција се пласираа во самиот врв: ги освоиле првото и второто место во поединечна конкуренција. Тие се натпреварувале и на клупските првенства во Ниш, Чачак и во Крагуевац, а зад себе имаат и еден меѓународен натпревар во 1997 година во Пловдив, Бугарија.
Лани, на натпреварот на приватното езеро Гогомонт, во конкуренција на 50 мажи, ги освоиле 13, 14 и 15 место.
Тие велат дека во почетокот рибарите не ги прифаќале и ги сметале за малери.
- Сите бегаа од нас, па често рибаревме сами. Во почетокот ловевме со тешки руски трски, а сега рибариме со петметарски "болоњи", кои се многу лесни. Најчесто "ловиме на врв" со прехрана. Натпреварите ни помогнаа да ги подобриме техниките на рибарење. Читаме и многу литература. Пред да заминеме по риба секогаш ја гледаме временската прогноза, а се ориентираме и според месечните мени - велат тие.
Лидија најмногу сака да лови црвеноперки на Тиквешко, а најголемата што досега ја уловила била тешка 850 грама. На Пепи најомилена и е попадиката, а најголемата пастрмка што ја фатила тежела 1,5 килограм. Здравче на Вардар уловила сом тежок 4,8 килограми.
Освен што се добри рибарки, тие велат дека одлично знаат да приготват риба, но ако претходно некој друг ја исчисти. Рибарското трио вели дека, најчесто, уловените риби им ги даваат на пријателите или на соседите, но во нивниот дом мора постојано да има риба зашто "гостите знаат дека доаѓаат кај рибарките".
За рибарењето на езерото Аквариум тие велат:
- Сега можеме да тркнеме по риба и попладне, по работа, зашто езерото е навистина блиску. Вакво езеро посебно ни е потребно кога има забрана за рибарење.
Езерото Аквариум е порибено со крап, амур, сом, матичен линиш и со 50 јагули, а ќе се пориби и со штуки, за да може да се рибари и зиме, најавува Светислав Ѓуриќ, еден од сопствениците на езерото и претседател на Спортското риболовно-еколошко здружение "Екофиш".
- Се што се фаќа над три килограми се враќа повторно во езерото. Во Аквариум плива и најголемиот крап Трајан, тежок 20 килограми, како и 100 крапа и амура од по 10 килограми - вели Ѓуриќ и додава дека езерото е правено според стандардите за спортски риболов и на него се одржуваат натпревари во ловење крап, како и Купот на Македонија.
На езерото може да се рибари секој ден од 7 часот до 21 часот. Со претходна најава се рибари и навечер. Рибите до три килограми можат да се купат по 180 денари за килограм.
Регистрирај се
Најави се
ЧПП
Членови
Posto znam deka znaes,bi trebalo da znaes deka nepostoi covek so pogolema ribarska,a i voopsto bilo kakva SREKA 
![[ img ]](https://lh3.googleusercontent.com/-DrgFkEnp_As/Vjn6yC1aeGI/AAAAAAAASoU/rrDfip8Dw7Q/s256-Ic42/photo_name.gif)
