Ја отворив темава колку да не заборавиме што сме имале некогаш, што губиме и што можи да изгубиме.Факт е дека (мислам до пред 10 години) важеше за најбогата риболовна река со исто така најразновиден риболовен фонд, вклучувајки ја тука и Кечигата која порано ја имаше во Црна а во разговор со стари рибари ја имало во изобилство кога било Пелагониското Блато. Но што е тука е и нема бегање од реалноста.Загадувањето е проблем број еден за оваа вода - цела отпадна вода од Битола, Прилеп, Демир хисар, Крушево и многу многу околни села се слива каде? токму во Црна Река ! Меѓу моите први риболовни излети беше секако оваа река и со гордост можам да се пофалам дека сум рибарел на неа пред 20 години и верувајте имаше што да се раскажува после секој ден помината на риболов на оваа река. Порано не се одеше по брзаци за лов на клен и скобал, не се бараше мрена под секој камен, туку се седеше на едно место и се молиш да не ти удри голема риба за да можеш да ја извадиш !
Неверојатно но вистинито и тоа само црвено црвче за мамец, каква прихрана, каква палета на мамци и др.... Само црвецот братче и тоа ти беше доволно за денес да си заминиш со одличен улов, а во кој спаѓаа кленови до 5 кгр, мрени до 8 кгр. ... не не не претерувам ! Прашајте некој постар рибар и сето ова ке го потврди.А да не ви кажувам за стариот Црнски Крап (како што го нарекуваат битолчани) ВРЕТЕНО ! Ловиш крап со тело на клен ! Борба? - колку ти душа и тело сака и можи да издржи. И сето ова ви го раскажувам за потегот на Црна од местата викани Чебрен до Скочивир ! За долниот-Прилепски тек (ВРПСКО) и да не ви кажувам оти нема да ми верувате
Е сега реалноста: Црна кај Скочивир нема никаков жив организам во својата вода, подолу малце - влив на Бела река во црна (местото каде што се извадени најголемите пастрмки на Црна) е исто така пусто како Сахара, Рашеш-едно од најомилените места на 90% од рибарите во Битолско е добар со риба, ама само Цимуска-Вардарка и по некоја залутана бела мрена.Сомот и Крапот изгледа заминале на печалба па сега чекаат подобри времиња за да се вратат.
Пред две години последно бев Врпско и се вративме со 2 кгр. риби за дводневен лов.
Што да пишувам повеќе.... дали е ова за пишување, ама којзнае можи некој, некогаш, некаде ќе го прошита ова и ќе превземи нешто оти ниту јас ниту било кој рибар не можи да ја исправи Црна Река.Можеме само името да му го смениме од Црна да биде ПУСТА РЕКА !
