Времето залади, се спремаат и првите снегови.
Дали е време за зимски сон на рибарите ?
Секако дека не !
Што да се лови сега, станува едно од најчестите прашања ?
Октомври и Ноември за некои мајстори се најубавите месеци за лов на бојник.Секако водостојот bojnik reна реките кај нас е доста променлив во овие врнежливи денови, ама далеку од тоа дека немозжеме да го најдеме бојникот.
Бојник на слободно возење е најчест начин, на кој повеќето риболовци го ловат бојникот. Во однос на местото што го бираме. Во начело, секогаш треба да ги одбегнуваме местата на кои има јаки вртложења и подводни струења, на водата. Бидејќи мамецот носен од овие струења под водата прави неприродни движења и ја тера рибата од себе.
![[ img ]](http://www.ribar.com.mk/images/stories/4/faten%20bojnik%20.jpg)
Откако сме го одредиле местото на кое ќе го бркаме “Бојко“, ја одредуваме длабочината и далечината и почнуваме со риболовот. Не очекувајте, бојникот тапата да ви ја потоне одеднаш, тоа може да се случи единствено, ако јаде како избезумен, но тоа најчесто не е случај. Затоа риболовот на бојник од риболовецот, бара голема упорност и трпеливост. Бојникот мамецот го зема на специфичен начин. Тој за да го зафати мамецот со уста, мора да се сврти на страна и при вакви маневри тој речиси незабележано го преместува курсот на тапата, што само искусниот риболовец може да го забележи ова движење на тапата и да контрира благовремено.
Значи, оваа метода на слободно возење ја применуваме на терен, онаков каков што го дала природата, без наши интервенции, односно без забранување на реката и правење на брани. Ако текот на водата е бавен, тогаш ја оставаме тапата да биде слободно носена, конецот секогаш затегнат, а стапот на готовс, спремен за брза контра. Никогаш не дозволувај конецот да прави мев, со што реакцијата ќе биде бавна, а тоа е недозволиво, при ваков вид на риболов, бојникот е брз, мора да бидеме и ние брзи.
![[ img ]](http://www.ribar.com.mk/images/stories/4/bojnici%20vo%20mreza.jpg)
Ако течението на реката е доста брзо, тогаш се користи малку потешка опрема, а тапата се вози по линијата, што сме ја одбрале, со благо, но константно прикачување. Секое затреперување, рггбзастанување, свртување на страна или нагло забрзување на тапата треба да е знак за брза контра.
За оние кои што знаат ОК, за оние кои што не знаат, или се потсетуваат, за риболов на бојник најчесто се користат јадици со големина од 8 до 14. Конецот треба да биде тенок 0,10-0,16. Може да се користи и подебел конец, но со подврзок од 0,10 - 0,12. Изборот на тапа е мошне битен фактор, при ловењето на бојникот. Но видот и големината на тапата секако, ќе ни зависи од брзината на течење на водата и нејзината длабочина.
Најчести мамци, што се користат за риболов на бојник се лебот, белите црви, дождовните црви и тревата. Ало ловите на леб, не заборавајте да понесете доста стари лебови леб-крма, мора да се прихранува со топки од леб повеќе пати во текот на денот. Ако ловите на бели исто така, спремете едно поголемо канче/канта црви кои треба добро да му ги пласираме на бојникот.
![[ img ]](http://www.ribar.com.mk/images/stories/4/bojnici%20na%20sneg.jpg)
ОПШТИ ИНФОРМАЦИИ :arrow:viewtopic.php?f=54&t=195&p=1406#p1406 ,Слики на улови :arrow:viewtopic.php?f=52&t=2284
Бистро на сите
![[ img ]](http://i867.photobucket.com/albums/ab235/kompir99/img2931c.jpg)
